न्यायपालिकाको स्वतन्त्रता सुनिश्चित गर्दै देशको न्याय प्रणालीको सुदृढीकरण र आधुनिकीकरण गर्ने कार्यमा न्यायाधीशहरुलाई अभिमुखिकरण गराउने, उनीहरुको बौद्धिक क्षमता विकासका लागि आवश्यक कार्यक्रमहरु आयोजना गर्ने, तथा न्यायाधीशहरुका वीच आपसी सहयोग, सद्भाव र सम्वन्ध सुदृढ गर्ने उद्देश्यले संस्थागत संरचना तयार गर्नु आवश्यक भएकोले न्यायाधीश समाज, नेपालको स्थापनाको गरिएको छ ।….।

प्रचलित नेपाल कानूनको अधिनमा रही समाजको उद्देश्य देहाय वमोजिम हुने छन् :–

क)	न्यायपालिकाको स्वतन्त्रता सुनिश्चित गर्दै देशको न्याय प्रणालीको विकास, सुदृढीकरण र आधुनिकीकरणका लागि आवश्यक खोज, अनुसन्धान, छलफल, अन्र्तक्रिया तथा सूचना संप्रेषण गर्ने गराउने कार्य गर्ने ।
ख)	न्याय छिटो छरितो, कम खर्चिलो र स्तरीय बनाउने उपायको सम्बन्धमा अध्ययन गरी सम्बन्धित निकायहरुमा सुझाव प्रस्तुत गर्ने ।
ग)	कानूनको निर्माण तथा सुधारको सम्बन्धमा आवश्यक अध्ययन गर्ने ।
घ)	नेपाल अधिराज्यको संविधान, २०४७ ले परिकल्पना गरे बमोजिमको कानूनी राज्यको संस्थागत विकास र न्यायपूर्ण समाजको निर्माणका लागि जनसाधारणमा समझदारी अभिबृद्धि गर्ने, गराउने ।
ङ)	सदस्यहरुको व्यावसायिक हक हितको प्रवद्र्धन गर्ने ।
च)	समाजका सदस्यको शारीरिक तथा बौद्धिक विकास र मनोरञ्जनको लागि आवश्यक प्रबन्ध गर्ने ।
छ)	न्याय कानून सम्वन्धी सम्मेलन, गोष्ठी र अन्य कार्यक्रम आयोजना गर्ने ।
ज)	राष्ट्रिय एवम् अन्तर्राष्ट्रिय महत्वका कानूनी विषयमा ख्याति प्राप्त स्वदेशी तथा विदेशी विद्वानहरुको प्रवचनहरुको आयोजना गर्ने ।
झ)	संस्थाको उद्देश्यसंग मेल खाने स्वदेशी तथा विदेशी संस्थाहरुसंग सम्वन्ध विस्तार गरी अनुभवको आदान प्रदान गर्ने ।
ञ)	न्याय कानून सम्वन्धी सामग्री प्रकाशन गर्ने, र
ट)	समाजको उद्देश्य प्राप्तिको लागि आवश्यक गैरराजनैतिक क्रियाकलाप सञ्चालन गर्ने ।